「乞兒論」惹誤會 古天樂：唔好意思

昨日46歲生日的影星古天樂（古仔）現身品牌活動，提到前晚樂壇天后容祖兒直播一眾圈中好友為他慶祝生日時，古仔突爆一句：「ViuTV個乞兒呢！」令全場包括吳君如、古巨基夫婦和劉浩龍等為之嘩然。古仔解釋：「因為我有個朋友被ViuTV邀請佢喺節目入面客串一個角色，佢已經話冇時間推咗，但對方話肯就佢個期，我問佢做乜角色，原來係叫佢做乞兒，我咪講祝你飛黃騰達，憑呢個角色上位，個朋友係圈外人，所以我冇開佢個名。（乞兒係指你朋友？）係我朋友演嘅角色。（點解咁興奮講出嚟？）因為佢唔係圈中人，難得可客串。（怕被誤會？）我尋晚講完都即刻唉！（覺得失言？怕ViuTV老闆唔開心？）係呀！（使唔使澄清？）我依家咪澄清緊。喺言語上我要講聲唔好意思，希望大家唔好誤會。（下次唔再直播？）佢哋話唔好失手勢，下次都係唔好喇，玩得開心得滯，唔知講咗乜。」古仔稱當晚很盡興，承認飲酒有點high，對於被朋友催婚，頻問他「古太喺邊」，他說：「佢哋講笑，冇催我。」