苟芸慧101%撐「新手媽咪」

對於鍾嘉欣(Linda)的寶貝女Kelly被指似足爸爸Jeremy,見證Linda由人妻變成人母的好姊妹李亞男,大讚Kelly超可愛:「我成日都睇佢send過嚟相同片,好精靈,一啲都唔似兩個月。(Linda幾時返香港?)要問番佢。(佢暫別娛樂圈?)佢一路都冇離開過呢行,期待喺香港再見到佢。」

另一好姊妹苟芸慧昨日接受訪問亦覺得Kelly比較似爸爸,但也遺傳了嘉欣的甜美笑容。談到有傳Linda希望再生B,為家庭暫別娛樂圈,苟芸慧說:「Linda呢幾年工作上嘅努力同才華,觀眾都好清楚,佢係一個好有智慧同埋自己想法嘅藝人,所以無論佢有咩決定,我認為真正喜歡Linda嘅人都會默默支持佢,我作為佢嘅好姊妹,更加會101%支持佢啦!」