歌手張崇基及張崇德昨日出席慈善音樂會記者會，本月21日生日的崇德表示會跟親友食飯慶祝，又表示曾收過子女的小手作：「上年畀咗個盒我，裏面有好多廢紙，揭開好多層之後原來係個Lego公仔，跟住佢哋就喺度笑。（整蠱你？）我諗係遺傳咗我幽默嘅一面。（老婆劉美娟有咩表示？）我哋一相識就講明唔好因節日而送禮物，試過有次佢送禮物畀我，我幾乎有啲嬲。」
