郭思琳半夜自捽跌打酒

女藝人郭思琳昨日出席跑步活動記者會，宣布明年1月8日將參加十公里賽事，講到早前上擂台打MMA，她表示表面傷痕已愈合，但左腳仍有舊患，有時半夜痛醒要自己捽跌打酒。問會否找個男友幫手？她笑說：「我屋企門口唔係咁易入，而且自己捽好啲，可以控制力度。」她又表示或會再上擂台，但未必再打MMA，因太易傷被家人反對，會改打巴西柔術。