Yumi脹爆肥過大肚趙哲妤
未婚懷孕的藝人趙哲妤（Uny）與尹蓁晞（Yumi）前晚齊齊谷胸現身好友生日會，身穿紅色低胸裙的Yumi身形暴脹，「凸」圍而出，豐滿體態比懷孕七個月的Uny更像孕婦！難怪她自嘲連父親也勸她減肥。
形象指導許嘉浩（Karl）前晚慶祝27歲生日，每年生日他都會做慈善，呼籲好友捐出一條裙供拍賣，一班好友現身撐場，其中懷有七個月身孕的Uny及Yumi均穿上低胸裙出現，現場所見，同為有料之人的Yumi身形繼續翻脹，體形比Uny更像孕婦。
好難揀衫
壽星仔Karl也取笑說：「幫佢揀衫好難。」Yumi聽罷即撒嬌：「我食多咗嘢，前排又成日病，可能水腫，全身都肥咗。（上圍都大咗？）依家上圍有E Cup，我早兩日send張相畀Daddy睇，佢一見到都叫我要減肥做運動。」記者問她是否拍拖開心致幸福肥？Yumi說可能經常食消夜，又指男友不介意她肥，但覺得她手臂過粗。
驚胸下垂
腹大便便的Uny仍穿着三吋高跟鞋，谷胸上陣的她，被問到懷孕後上圍可有升Cup？她自信地說：「我以前都係有少少料嘅人，有咗之後都冇特別要買孕婦內衣，因為係一樣尺碼，但之後應該要預備唔同內衣，因為餵母乳唔多唔少都會有少少唔同；聽人講餵人奶之後胸部會縮水或變形，我都驚會走樣或者下垂，想Keep住依家咁樣，所以要加緊按摩。」她又笑謂因為尷尬，故不會要求男友幫忙按摩。
文：名人組