G.E.M.李蘊代超蓮澄清：佢冇拍拖
方力申（小方）被屢傳力追賭王千金何超蓮，昨日有傳兩人暗撻三個月，在尼泊爾機場一支水兩份飲，他又為超蓮按摩！超蓮在電話中否認與小方拍拖，大家只是普通朋友，但大讚小方為人可靠：「去尼泊爾係因為做大使去探訪，唔係一支水兩份飲，係佢遞支水畀我，探訪由朝開始，又要擔水又要煮飯，所以幫手按兩下啫，現階段畀心機做嘢同讀書。」小方口徑一致，透過公司表示：「我哋只係朋友關係。」
超蓮閨密李蘊雖然身在廣州，也隔空代好友澄清：「超蓮依家冇拍拖、冇對象，亦唔想拍拖。」G.E.M.在頒獎活動中指超蓮是單身，還說：「我咪係超蓮男朋友囉！」但讚小方「非常有風度」。同場的「香港女飛魚」歐鎧淳亦有去尼泊爾，與小方、超蓮同是活動探訪大使。
