愛妻化輕煙 胡楓悲痛送別
無綫資深藝人胡楓（修哥）的太太胡呂詠荷昨日於紅磡世界殯儀館以基督教儀式舉殯，遺體隨後移至歌連臣角火葬場火化。兒孫滿堂的修哥在滂沱大雨下送別結婚59年的愛妻最後一程，修哥契女方國珊、斑斑，好友譚倩紅、曾江、焦姣、吳君麗等均有到場送別呂詠荷。大殮儀式後，修哥長子胡永康捧着媽媽的遺照登上靈車。
修哥接受訪問時眼紅紅：「有幾個資訊想大家幫我帶出去，第一，辛苦各位記者朋友，令我個心好唔安樂；第二，多謝TVB幫手安排好一切；第三，就係對於好友嘅隆情厚意非常感激。（尋晚瞓得唔好？）斷斷續續咁囉，之後都瞓番。（契仔黎明因為工作嚟唔到？）係呀，佢有嘢做。」」雖然心情沉重，但修哥見記者為拍攝而淋雨，即叫記者避雨：「你哋返嚟啦，唔好淋雨啦。」
周啟生送車尾
送別太太遺體到火葬場後，修哥中午到北角食解穢酒，見他心情沉重，不發一言，直到下午二時離開，才見他寬容。問到未來會否休息？他說：「休息一兩日，之後再衝刺。（返溫哥華休息？）唔會喇。」
此外，修哥契仔周啟生早上到殯儀館時，契媽靈車已經出發。他說：「我趕到去火葬場送到契媽最後一程。」問到會否多點陪契爺？他稱：「會呀，有首歌同契爺一齊唱，依家諗住再同佢錄隻發燒碟，起碼煩佢半年，等佢冇時間胡思亂想。」