火雞姐靠八婆Tone 幫網民出氣

相信不少人都試過在購物時遇上不快事，卻有冤無路訴。香港有位出名火爆兼牙尖嘴利的YouTuber港版「火雞姐」，抱着「睇唔過眼就要出聲」的精神，成為新一代網民喉舌，為大家出一口氣！「火雞姐」最近將新作《討厭既（嘅）SALES！》上載至YouTube，短片瀏覽人次短短數日已達5萬！

片中的「火雞姐」如常用招牌「八婆」兼「巴辣」聲線演繹心情，數盡無禮售貨員的討厭行為，包括不給予客人私人空間、藐嘴藐舌、與其他職員講客人壞話等，她說：「本身已經好躁，仲要對住我黑晒面，當堂啲氣谷晒上嚟，然後梗係好嬲啦！我咪繼續睇衫，佢咁嬲，我係要行多兩步，我係鍾意同佢玩嘢！我睇吓啲衫，掂吓又放番低，呢個時候佢行我隔籬，將我啱啱掂過件衫拍一拍再放番低，我隻手有屎呀？」先莫論事件是否屬實，「火雞姐」的短片內容勝在夠貼地，配合其搞笑演繹，吸引不少年輕網民追捧！

表情浮誇 一炮而紅

「火雞姐」每次上載短片都會成為熱話，原名丁可欣（Yanki）的她只得22歲，今年8月上載《火雞姐搭巴士好X嬲》短片，以高八度的「八婆聲」、誇張及不屑表情數盡個別巴士乘客惹人討厭的行為，片段上載數日已有逾百萬點擊，帶挈她人氣急升！除了巴士短片外，「火雞姐」的成名作包括《火雞姐教你化個女神裝（妝）》，片中不惜畫花面以醜見人，嘲笑所謂的「女神」只是偽ABC港女。任職舞蹈老師的她懂得妥善分配時間，每次拍片都花不少時間及心血。