黑雨 麥明詩水浸腳踭 慢動作上車
香港天文台昨午曾發黑色暴雨警告信號，前港姐麥明詩（Louisa）大受影響，改發「黑雨」約半小時後在instagram上載涉水上車的片段，片中見她穿拖鞋出門，並小心翼翼地撐着雨傘慢慢上車，踏進水氹的她水浸腳踭，卻仍然力保靚樣成功上車，她留言：「Um……個黑雨可唔可以早少少掛 #游水」。
Louisa事後接受本報電話訪問，她表示當時準備外出工作，沒料到雨勢如此強勁：「今日做完嘢泊低架車去食飯，嗰陣都係黃雨，點知食完已經落咁大雨，冇諗過去到水浸！如果知道水浸就唔揸車出嚟，我都係第一次咁大雨揸車，都好擔心，所以揸得好小心，好慢，但出面好塞車，唔知幾時返到屋企。（架車冇事？）冇事！我都取消工作。（咩工作？）都係Fitting，夜晚去學戲。」