Rosemary老公冇影 嬲到爆
名模Rosemary首次籌辦大型運動音樂派對，但在這大日子，老公Jason竟身在東京公幹。Rosemary坦言獲知一刻，氣憤得冇睬對方，怒氣難消，但經消化後亦體諒對方只是以工作為重，小小風波最終告一段落，夫妻倆大耍花槍。
名模Rosemary昨日舉辦籌備了一年的大型運動音樂派對Daybreaker，她表示此活動於外國非常流行，但在香港則是首次舉辦，非常榮幸能把此活動引進香港。模特兒伍靜麗（Angie）、Lea T.、名模Cara G.及老公Jesper更帶同女兒India及Freija到場狂歡，現場有逾百人參與，場面熱鬧。
Cara G.舉家撐場
Rosemary於運動環節中擔任瑜伽導師，於隨後的兩小時音樂派對，她則興奮地走到台上跳舞。她說：「活動係喺一朝早，喺冇酒精、冇毒品嘅情況下，大家都natural high，好開心！」問到何以未見老公Jason的蹤影？她即半開玩笑謂：「我仲嬲緊佢，今日（昨日）係我嘅大日子，佢幾日前先同我講有大project，一定要去東京公幹，所以嗰日我嬲到冇同佢講嘢。」她表示深明Jason以工作為重，故已消氣，並於活動上傳相片及現場直播活動情況給對方：「Jason好戥我開心，話下次一定會嚟。暫定12月再搞，我目標係每個月搞一次。」她又坦言感激開健康飲品公司的Cara贊助飲品，並舉家前來捧場。
Angie有圈外新歡
而剛從外地返港的Angie，透露早前到米蘭時裝周行騷後，與結交兩個多月的圈外男友到西班牙旅行，非常盡興。她透露男友是外國人，但定居香港。問到如何結識對方？她說：「喺gym度識。」熱愛運動的她，透露打算與健身室合作，擔任客席導師。
文：名人組