陳倩揚報7校當見識

陳倩揚透露將主持飲食節目，教新一輩媽媽粉絲煮嘢食。

倩揚透露近日自己工作量多，昨午更抽空出席美容店開張活動。談到兒子入學面試，她笑言：「雖然報咗7間學校面試，但唔會畀壓力佢，每次面試都當係去參觀、去見識，事前亦冇準備試題溫習，只係靠平時灌輸畀佢嘅知識，好彩佢都好enjoy，仲同我講啲題目佢識答。」

為有線拍飲食節目

至於提到新工作安排，她透露將會與電視台合作，主持一個飲食節目：「詳情遲啲先講，不過今次我會落手落腳煮嘢食。（廚藝叻？）都可以(o架)，12個人嚟我屋企做節都冇問題，不過我係邊煮邊學嘅，可以話想吸納新一輩媽媽粉絲，令佢哋放工返屋企以最短時間煮有營養嘅食物畀屋企人，唔使捱飯盒嘛。」據悉，倩揚今次「倒戈相向」，與有線合作。由於時間不夠用，她指老公提醒她要「錫自己」，多作身體調理及注意健康。

前港姐謝芷倫在工作中度過生日。	倩揚（左三）昨日出席美容店開幕活動。	育有兩子的倩揚否認是怪獸家長。

此外，同場的前港姐謝芷倫前日正日生日，但卻未有空慶祝，皆因需在無綫拍攝處境劇《愛．回家》。生日在工作中度過的她表示並不孤單，因有大批演員陪伴在側亦覺開心。

文：影視組