趙碩之惡港女 飛甩波牛男友

趙碩之、馬浚偉、唐貝詩、胡諾言、范振鋒、筱靖及可嵐等昨晚出席「衍生集團20週年晚宴」，身為集團主席的彭少衍伉儷在場招待嘉賓及合照，唐貝詩以Tube Dress惡鬥露事業線的筱靖及可嵐。問到Wylie為何不帶同足球員男友林家亮到場？Wylie即說：「我都想，已經冇咗男朋友，佢幾個月前已經返咗加拿大溫哥華做生意。」Wylie透露分手前兩人生活細節已出問題，並說：「當時我讀戲劇課程，負能量同情緒波動得好緊要，佢又搵唔到錢，其實一齊生活時，佢就住喺我度，但又冇乜手尾，最終我好惡咁踢佢走。」她表示現時仍有聯絡，問到現時兩人的關係？Wylie說：「好混亂，唔知點。（單身？）中文嚟講係單身，都係時候認識新朋友，感情狀況已經變為Open！（有人追會發展？）可以嘗試。」

唐貝詩陪狗綵排

與母親寇鴻萍同場的唐貝詩拒絕同對方合照，她解釋說：「因為蕭定一想我獨立啲，唔想畀人覺得我係寇鴻萍個女，公司咁做都無可厚非，私下同媽咪冇事，同埋交流得幾好。」唐貝詩透露近日為舞台劇綵排：「劇中會同隻狗有對手戲，所以要同隻狗一齊訓練。」

而馬浚偉則表示到場與老闆打完招呼就要返屋企，他說：「明天（今天）要為無綫拍節目巡禮，多謝無綫，因為忙緊舞台劇綵排冇乜時間，得明早（今早）呢個期，無綫特別開隊攝影隊去拍。」將於本月廿六日生日的馬浚偉被問到生日願望是否成家立室？他說：「乜都冇諗，做好工作先。」

林家亮	可嵐谷湯碗胸亮相搶風頭。	騷香肩的唐貝詩要同隻狗排戲。
筱靖吊帶低胸裙夠養眼。	馬浚偉（中）專程赴會支持彭少衍伉儷。

採：影視組

文：音樂組