鄭融撐indie band：有本地特色藝術
不少本地獨立樂隊一直努力發聲，等待欣賞他們的知音人。《東網》製作的《聲大夾樂》正正提供一個平台，讓大家可以更加認識他們，並獲鄭融、Supper Moment等歌手樂隊齊齊力撐，樂隊Yellow!更表示希望上節目分享入行經過！
鄭融
「我梗係有留意《聲大夾樂》啦，係宣傳香港嘅indie band，同畀大家知道佢有乜動向、新歌同新嘅騷嘅。indie band有好多我都唔識，但有啲我都好支持同鍾意，所以希望大家都支持佢哋啦。我都覺得indie band喺香港好難捱，其實喺香港做音樂、創作、藝術都比較難，又冇資源而且競爭又大，希望香港有本地特色嘅藝術可以突圍而出。」
Supper Moment
「有啲樂隊嘅名你哋一定聽過，但未必了解佢哋，透過呢個節目可以知道更多佢哋嘅lifestyle、音樂背後嘅理念，希望大家都會鍾意。其中一集有雞蛋蒸肉餅，我哋就了解佢哋好多喇，到你哋了解佢哋喇。」
Yellow!
「《聲大夾樂》係講一啲香港樂隊嘅生活，例如夾band嘅辛酸，將我哋嘅嘢畀多啲人知道，希望有一集會訪問我哋啦。知道暫時有雞蛋蒸肉餅、新青年理髮廳等等，比較後生啲嘅樂隊，對於我哋呢啲『長者』都畀幾分關懷啦，我哋都夾咗好多年band，有好多嘢可以分享吓。」
想了解更多indie band界資訊，立即點擊：《東網》「聲大夾樂」專頁
on.cc/musicon
fb.com/musiconnow
