幸運倫照住 幫老友拉頭馬
有「幸運倫」之稱的譚詠麟（阿倫）昨日現身馬場拉頭馬，但原來他不是馬主，只是代好友拉頭馬，除了旺好友愛駒跑第一，阿倫更笑言有贏錢。同場的汪詩詩偕妹妹汪圓圓及母親為老公甄子丹的愛駒「宇宙車神」打氣，最後以第二名佳績跑出。
樂壇校長譚詠麟（阿倫）昨日到沙田馬場欣賞賽事，在圈中有「幸運倫」美譽的他獲馬主好友顧明均邀請到場為「正藍旗」打氣，結果「正藍旗」跑第一，阿倫更有份拉頭馬。阿倫說：「因為佢（顧明均）唔得閒入場，所以邀請我去打氣。」他更稱贏錢：「今日有少少斬獲啦！」
圓圓唔想做馬主
至於「宇宙最強」甄子丹與「玩具大王」蔡志明兒子蔡加讚聯名的愛駒「宇宙車神」昨日出賽，兩人未有現身，由愛妻汪詩詩與汪圓圓及汪母代為捧場，最終愛駒跑獲第二名佳績。日前子丹自嘲不旺愛駒，每次現身馬場一心想拉頭馬，可惜愛駒卻三甲不入，反而每逢他不在，愛駒就會大發神威。
對於子丹不旺愛駒，圓圓笑言：「好似係咁，當然唔知道係咪真，但我哋會去多啲，尤其係我媽咪，佢每次去隻馬都會跑一、二名。隻馬跑咗六次，已經贏咗兩次冠軍，好勁。（你同媽咪有冇興趣做馬主？）我唔會喇，因為覺得馬嘅嘢好複雜，我去支持吓就好，仲好玩，做馬主嘅壓力太大。媽咪都唔會喇，佢唔係好了解，玩吓就可以。（你有冇落注？）都會買少少，要支持。」圓圓表示女兒十分喜歡馬，愛駒初來港時，曾帶女兒探望：「嚟緊都會再帶囡囡去探佢，囡囡好鍾意，見到隻馬咁大，覺得好好奇。」
梁麗翹贏錢開心
另外，無綫節目《東張西望》主持梁麗翹亦現身馬場，她稱間中會入馬場，今次是來支持朋友的愛駒：「隻馬跑到第二名，好開心，贏咗嘅錢夠食一餐飯。」
文：名人組