方中信切線捱撞 和氣收場
近日於無綫劇《律政強人》演「張強」一角獲好評的影帝方中信，昨早11時許在九龍城侯王道遇上交通意外，駕駛的電動車與一架七人車發生碰撞，座駕在意外中車頭受損撞凹，不少路人發現是型佬方中信即停步圍觀。意外中，一名65歲女途人受傷，其後警方到場為方中信及七人車司機「吹波波」，兩人體內酒精均為零度。
黃智雯聞意外感愕然
記者聯絡到方中信了解意外發生經過，他表示當時想轉線，未幾便被後面的七人車撞到：「後面架車可能開快咗少少，人就冇事，架車就（沙板）撞凹咗少少。（邊個唔啱？）依家都和解咗喇！（傾咗賠償？）唔使對方賠，整車係有限錢，唔使好多。（有女途人受傷？）意外大家都唔想，唔想講太多喇！」他又指今次只回港短短數日，但亦會追看《律》劇大結局。
《律》劇中飾演方中信徒弟的黃智雯，對於師傅撞車大感愕然：「佢冇咩事嘛？知佢有研究開車嘅嘢，自己一直揸車唔太叻，拍劇時成日都想請教佢，但好多時方中Sir都好忙睇劇本，所以都唔敢打擾佢，希望下次有機會啦！」
金木交戰有險！
至於剛轉十年大運的方中信亦較易發生包括開車等意外，陳子才說：「大運主金、木交戰，代表容易發生同金屬有關嘅兇險，開車係其中一種，明年更加要加倍注意！一般嚟講，捐血同洗牙可以嘗試化解血光之災，去寺廟或教堂祈福都可以。」
