身高1米57的Anna於圈中屬嬌小型，不時要盛裝現身紅地氈，衣着品味大致贏得好評，原來她背後有成個團隊支援，難怪少做「Fashion Killer」！Anna近日被問到如何為多個宣傳準備戰衣時表示：「我的團隊嘗試全日都幫我試身，就好似一個巨型試身馬拉松般！」她又自言本想好似美國女星Chloe Sevigny的大膽，不理傳媒評論，可以親手揀衫，不過就講笑自嘲亂穿的話，可能隨時被暗殺，似乎都係乖乖搵專業人士幫手算了！