袁嘉敏為前度喊足60日 恨戀圈中人

藝人袁嘉敏昨日出席美容中心開幕禮，以黑白lace長裙現身，胸前有8字及兩側開窿設計，盡現南半球、纖腰及玉背，對於性感打扮，真空上陣的她表示是客戶要求。提到同場有兩名外籍型男，前度是外籍人士的她則謂自己喜歡華裔，期間又憶起情傷謂：「依家一星期有四日喺內地，驚依家拍拖好似變咗之前咁，見唔到面感情淡，喊到眼腫。（上段情好傷？）喊咗六十日，兩個月左右，我哋之間有好多誤解。佢唔理解私底下嘅我着T恤牛仔褲，但幕前嘅我就咁sexy，多啲溝通好啲，下次拍拖一定要搵個知娛樂圈係點嘅人。」