鄭中基陳年長髮Look開騷
藝人鄭中基及曾國祥仗義演出由好友Kevin Boy執導演筒的ViuTV節目《碌卡大導》，鄭中基更以出位造型亮相，他解釋自己扮演耶穌基督。談到農曆新年舉行的演唱會，他笑謂：「計劃以初出道嘅長髮Look見觀眾，講咁多年唔同嘅形象變到依家咁。（騷肌？）我咪『基』囉。（唔會喺太太同仔女面前跳辣身舞？）做嘢冇所謂。」
至於曾國祥入圍角逐金馬獎「最佳導演」，被父親曾志偉指光宗耀祖，他說：「冇咁巴閉，同咁多大師級一齊角逐喎。（新片嚟緊香港上映。）呢部係中小型製作，內地票房有億幾，加上好口碑，算有交代。（女友送乜畀你？）唔好嘥錢，其實都想同佢合作，但要睇劇本，唔會刻意。」
