16年後續前緣 李思捷求咀蘇玉華

藝人李思捷自導自演的賀歲電影昨日舉行開鏡儀式，出席演員除了思捷外，還有蘇玉華（阿蘇）、錢小豪、狄龍、元秋、林敏驄、錢瑩及兩位童星羅梓龍、何詠瑤。思捷與阿蘇飾演兩公婆，他透露16年前在TVB的第一套劇，就是演阿蘇的另一半，今次很開心能再續前緣，阿蘇笑說：「佢對我念念不忘，所以處男作要公器私用。」問到會否加親熱戲？思捷笑說：「有，成日都攬攬錫錫，不過係一家四口嗰隻。」
有林敏驄（後排右二）和元秋（左一）坐鎮，肯定笑彈大爆發。
有林敏驄（後排右二）和元秋（左一）坐鎮，肯定笑彈大爆發。

片中資深演員狄龍飾演思捷父親，思捷大讚對方真人原來勁搞笑：「之前邀請過佢去我個show，原來佢好百厭，突然講法文，金句分分鐘勁過老黎（黎明）！（點請得郁呢位前輩？）劇本我哋諗咗四、五年，角色好啱佢做，求佢演o架！我哋出好多誠意打動佢。」

狄龍和錢小豪（左）結片緣。
  • 狄龍和錢小豪（左）結片緣。
李思捷和蘇玉華在賀歲電影中飾演兩夫妻。
  • 李思捷和蘇玉華在賀歲電影中飾演兩夫妻。