Jeana衣着太性感 同前度嗌大交
藝人何佩瑜（Jeana）、梁琤及余曉彤等昨午宣傳黃永峰監製的新片《辣警霸王花》。Jeana打扮保守，反而余曉彤忽然「露底」搶風頭。Jeana自爆曾因性感衣着與前度爭執，反而現任男友翁子光表現大方，鼓勵她在適當場合展示性感一面！
Jeana受訪時否認戲內有很多性感演出：「極其量得一場出浴戲。（以後唔性感？）睇劇本，男友冇話唔畀性感，試過同佢去台灣着咗件露背裝，佢影低提議我可以着多啲。（以前試過因衣着同前度嘈過？）係呀，所以依家好自由。」她又放閃表示今次「對的時間遇上對的人」﹕「我好耐冇蒲過，依家夜晚會返屋企睇戲同煮飯，以前唔會接受呢種生活。（有晒條件做人老婆？）長遠嚟講想有自己嘅家庭，但依家事業為主先。」她直言對男友百分百放心：「唔介意佢同其他女生親熱少少，不過我知佢唔會咁做。」
梁琤心痛後輩
梁琤則直言與一眾後輩靚女合作，被她們的熱誠感動：「佢哋着短衫短褲開工，冇得墊嘢就咁拍同跌低，睇到都心痛。」談到拍檔吳岱融於《巨輪II》內奸到出汁，她說：「做戲啫，唔關岱融事，佢做得好好，同佢演對手戲好易投入。」
文：影視組