黃智雯齋睇劇本已失眠 馬國明遇鬼娃娃嚇到心都離！！
藝人馬國明、黃智雯昨日為無綫靈異題材新劇《降魔的》拍攝外景，二人雖然時運高，未遇過靈異事件，但智雯坦言齋睇劇本已嚇到睡不着；馬國明則透露日前在深山拍攝恐怖洋娃娃的戲份，他直言：「睇番playback都覺得驚！」
藝人馬國明（馬明）與黃智雯昨日在土瓜灣甜品店拍攝無綫靈異題材新劇《降魔的》外景，每日開工近20小時的馬明見到甜品相當開心，未埋位已經在吃，即使拍完離開前都笑謂：「唔好嘥，食埋佢！」相當搞笑！
驚到不停標汗
此劇屬靈異題材，慶幸二人至今未有遇上靈異事件，不過每日開工都心驚膽戰，馬明表示因劇種敏感，首日開工已做足「安全措施」，齊齊拜神。在劇中飾演夜更的士司機的他，不少深夜外景拍攝，日前拍一場在深山的恐怖洋娃娃戲份時，更一度心寒，他說：「係拍個公仔自己識郁，真係驚o架！拍出嚟都覺得恐怖！」
首次拍靈異劇集的黃智雯，透露最初在家中看劇本已害怕得未能入睡，更不停標汗，日前拍攝一場入鬼域的戲份更甚！她說：「其他演員化晒特技妝，有入鬼屋玩嘅感覺，雖然我都鍾意玩，但拍完都瞓唔着！」
的士司機戀醫生
飾演的士司機的馬明又提到劇中愛上飾演醫生的智雯，因地位懸殊而未有展開戀情，現實中可會介意？他說：「可能女仔會介意啲，始終都想個男仔照顧到佢，唔係貪慕虛榮，等如男仔都想揀個樣靚身材正嘅女仔一樣！」
此外，有份演出該劇的劉佩玥昨日出席活動，拍劇未有遇上靈異事件的她說：「拍呢套劇都辛苦，因為好多夜晚戲，而且好忙，不過真係唔想做夜鬼，更加唔想遇到呢啲嘢！」
文：影視組