佩服阿田夠大膽 楊秀惠放風心急生Ｂ
對於田蕊妮當眾詐老公型，指老公滿足不到她，同場宣傳新劇的楊秀惠笑言好佩服對方，但自己卻不敢效法：「阿田有資歷、有演技，而且佢向來同老公都好恩愛，所以講出嚟都好搞笑，不過我就真係唔敢！」
近年榮升老闆娘的秀惠大搞美妝產品，昨日更贊助活動，即場送出禮品給現場觀眾。她表示三年前開始搞生意，問到會否繼續贊助？她說：「其實每年都有7位數宣傳費，但多數喺星馬，超過生意額嘅70%，依家成績好，可搬返嚟香港發展，始終香港競爭大，乜都貴，依家儲夠經驗再博吓。（咁咪冇時間拍拖？）都有好朋友支持，大家會互相分享。（另一半好撐你？）係呀！好朋友都支持，女性要有自己事業。（感情低調？）不嬲係，到結婚生BB就會講，我都32歲，希望盡快。」
