唱老公杜汶澤冇料到 田蕊妮高潮樣大叫：搞我啦！

藝人田蕊妮、胡定欣、陳豪、楊秀惠及敖嘉年等昨日到油塘宣傳TVB台慶劇《來自喵喵星的妳》，吸引大批市民圍觀，阿田全程High爆，玩遊戲時動作多多，遊戲中她與定欣扮貓，其他藝人要諗計令她們心情興奮，當定欣扮貓時，溫家偉欲出招，定欣作狀嫌棄：「你呀？」阿田即將其緋聞擺上枱：「不如叫展鵬嚟令你興奮好冇？」定欣扮聽唔到。當輪到阿田扮貓時，突然自High笑說：「除咗我老公，任何人都可以令我興奮。」又驚現高潮樣大叫：「搞我啦！搞我啦！」全場爆笑。

爆胡定欣陳展鵬「同屋」

問阿田情緒如此高漲，是否平日太Dry？她笑說：「宣傳嘛！要認真！唔係心嗰句唔講。（投訴老公杜汶澤？）你咁講我唔反對。（佢冇時間陪你？）係啦！有冇眼藥水？講笑咋！但老公你要檢討吓！」期間她又多次提起展鵬，令定欣冇晒符。問定欣甚麼事能令她興奮？定欣說：「多啲錢搵！套劇收視好！」問會否約展鵬睇《來》劇，她表示不需要，阿田即說：「唔使約，因為一齊喺屋企睇！」嚇得定欣叫她不要亂說話。說到二人是今年視后大熱，阿田笑說：「除咗我哋冇另一個啦！講笑咋！（驚唔驚《巨輪II》太近分薄票源？）定欣四套都未驚。」定欣則說：「冇諗勝算，每次都係唔同嘗試。（上次《城寨英雄》反應好，有冇壓力？）冇！今次台前幕後都係收視保證。」

圖為杜汶澤。	劇接劇出籠的胡定欣，扮貓喵賣萌。	田蕊妮、陳豪與胡定欣近日忙為新劇宣傳。

陳豪讓子女選擇性收睇

至於杜汶澤接受電話訪問時，爆笑指老婆勁攻心計：「佢呢招好高，叫反宣傳，即係通街唱我冇料到，等其他女仔對我『實力』有懷疑！其實係佢擊退小三必殺技其中一招，佢好多招數o架！」

全程Hyper撩人玩的田蕊妮，男女通殺。左為敖嘉年。

左為楊秀惠。

另外，昨日同現身宣傳的陳豪指雖然劇集合家歡，但不會與子女收看：「佢哋仲細，好多嘢唔啱睇，我好緊張佢哋接收嘅每一個畫面，平時會安排啲富教育成分嘅嘢。」

文：影視組