台版小丸子林芯蕾練表情包「誇」啦啦
新人林芯蕾與李礎業早前在台灣拍攝真人版電視劇《櫻桃小丸子》，飾演小丸子的林芯蕾為拿捏角色的神髓，苦練30多個表情！李礎業則自爆跟丸尾班長同樣是宅男。
分別來自台灣與香港的林芯蕾與李礎業，早前獲睇中拍攝真人版台劇《櫻桃小丸子》，分飾小丸子與丸尾班長。為演活小丸子的蠢笨神髓，林芯蕾苦練喜、怒、哀、樂等30多個表情，還重溫小學照來拿捏「小學雞」神態，她說：「卡通片可以用不同符號去表達心情，但真人版就不能夠，要演得像小丸子般無厘頭就一定要練很多誇張表情。」
扮「小學雞」有難度
至於李礎業飾演較「薯嘜」的丸尾班長，自嘲某程度上與角色有幾分相似：「因為我都係個宅男，唔係咁鍾意出街，仲有大家都係咁固執。」今次要以普通話飾演「小學雞」，對有拍劇經驗的他來說是一大挑戰：「首次用普通話演戲已經有難度，仲要扮小朋友就難上加難！好彩導演教我點樣摸索角色。」李礎業坦言讀書時做過班長，但經常走堂與欠交功課，笑言讀者勿模仿！
贏在起跑線
林芯蕾與李礎業同為影壇新人，林芯蕾首次拍劇便擔正，她笑言是個幸運的人，希望加倍努力去維持現時的優勢。而李礎業的際遇亦不差，歌唱比賽出道的他加盟新公司後即獲委以重任，為台灣歌手汪東城監製新歌。他說：「汪東城喺台灣係巨星，所以初時有啲緊張，好彩佢好Nice、好配合。」
文：專案組