享樂團訪病童心痛到喊
樂隊享樂團日前到麥當勞叔叔之家探訪患有重病的小朋友，並一齊玩遊戲，他們坦言參觀時心情感慨，主音旨呈更感動落淚：「我哋走嗰陣，小朋友同我哋講『可唔可以留低同我哋玩到天黑？』，聽到之後我哋喊咗！」他自言全程都很心痛：「難以接受嗰度最細嘅小朋友係只有4個月嘅BB仔，所以覺得自己好幸福，但佢哋嘅堅持亦教識我哋要更珍惜依家擁有嘅幸福同生命。之後我哋會繼續去呢度做義工，教小朋友整蛋糕同曲奇。」
談及工作，他們透露12月將參與慈善搖滾音樂會，門票收益扣除成本開支後，將撥捐麥當勞叔叔之家。他們又開心表示邀得陳奐仁做專輯顧問，並將一同合唱。