玄學星相：吳啟華婚數低 2019遇新歡
離婚兩年的藝人吳啟華與前妻石洋子，早前被爆同遊沖繩，疑愛火重燃！另一邊廂，圈中「金童玉女」方力申及鄧麗欣（Stephy）分手收場，但有傳小方未忘情，再度力追Stephy，希望重修舊好。最新一集《東網巨星》節目《玄學星相》邀得堪輿學家張芯熏，分析兩Pair舊情人會否再續前緣。
吳啟華與石洋子於2014年宣布因溝通出現問題而離婚，但早前卻被發現「合體」，孖住好友趙碩之及周美欣到沖繩遊玩，究竟他們會否復合？堪輿學家張芯熏說：「見到代表婚姻嘅『庚』同『乙』唔當旺，力量唔夠強大，而且大家互相制衡，所以佢哋復合嘅機會唔高。（吳啟華有冇機會再婚？）佢再婚嘅機會唔高，但喺2019年上半年會遇到心儀對象，到時會結成穩定嘅伴侶。」
超蓮「曇花一現」
至於方力申又能否成功翻撻Stephy？張芯熏指二人的運程顯然是各走各路，復合的可能性幾乎是零！早前小方又被指力追賭王何鴻燊千金何超蓮，難道超蓮才是小方的真命天女？張芯熏說：「佢哋嘅命盤都出現『休門』，代表桃花、人緣同拍拖，可惜佢哋各自嘅『休門』受到限制，所以就算有機會拍拖，都係一段短時間，只係曇花一現。」想知師傅仲講咗咩？只要Click入《東網巨星》的「視娛樂」睇《玄學星相》就一清二楚！
Link : https://goo.gl/BpA7gA