陳展鵬事業衝刺 賣身契換視帝
憑《城寨英雄》成為視帝大熱的陳展鵬，昨日為新劇《同盟》開工，對於被指「以約換獎」，他竟笑言願意簽「賣身契」做到退休。對於再與定欣拍檔而令緋聞愈炒愈熱，更被指近水樓台，他否認傳聞，坦言現時工作為先。
藝員陳展鵬、姚子羚、陳山聰和鮑起靜等昨日於將軍澳為劇集《同盟》拍攝外景，眾人以型格行政造型亮相，子羚連身裙晒腿，笑言即使穿短裙亦要上陣拍打戲。
有指展鵬以約換獎，成為今年視帝大熱人選，他笑說：「係就好呀！個投票好公開同公正，好似港姐港男咁，成日都有啲咁嘅傳聞，但從來冇發生過喺我身上，如果係公平公正下拎到獎會好開心。（用約換獎你都制？）睇吓簽幾耐，都制（口架）！（幾耐先肯？）最好簽到我退休，起碼十年以上。（賣身契？）OK o架！但公司邊會理我吖。」同場的鮑起靜表示在劇中一人分飾兩角，與展鵬有雙倍時間培養母子感情，講到展鵬成為視帝大熱，她力撐「兒子」說：「展鵬嘅成績大家都睇到，個視帝大家都一早畀咗佢啦！」
子羚撐有感覺就要試
至於子羚講到好姊妹定欣與展鵬的緋聞時，她笑說：「我又冇上過佢車食糖水，展鵬都有話請大家食，但暫時未有行動。（佢哋襯？）佢哋外形都好襯，不過冇同定欣傾過感情嘢，如果拍劇拍得有感覺，可以試吓囉！觀眾又咁鍾意佢哋呢一對，我都識咗展鵬好多年，係好男仔、孝順仔嚟。」
而昨日展鵬出席另一活動時再次否認與定欣的緋聞，並說：「我都冇拍拖。（已經追到手？）喺戲中每日都見佢，唔係追到手，我哋係好同事、好朋友。（近水樓台？）最驚係後面嗰句，大人嚟o架嘛，唔可以求求其其。」問到是否很Dry，他直認：「都係，呢啲講緣分，依家有工作機會，梗係要努力，如果配合到當然好，勉強就冇意思。」
文：影視組