女友拍大膽戲鄭嘉穎爆媽咪嚇親
藝人鄭嘉穎昨晚與三度懷孕的曹敏莉出席活動，更互相恭喜，問嘉穎是否因與女友陳凱琳好事近而獲恭賀，他即表示暫未有結婚計劃：「係我媽咪好想，但應該唔係今時今日嘅事。」談到女友在無綫熱播劇《巨輪II》中被吳岱融侵犯，他笑言不會睇到嬲：「係我媽咪覺得佢咁快就拍啲咁大膽嘅戲，我就同佢解釋，係覺得佢有得發揮先畀佢做。」
至於已有一子一女、佗住6個月BB的曹敏莉則透露今胎是囝囝，而預產期則是12月至明年1月，問到產後會否封肚，她表示三個夠晒數，因為懷孕辛苦，湊仔更辛苦：「生埋呢個，我就真係覺得差唔多！」同場還有一身紅噹噹的惠英紅。
