貝安琪懷孕冇有怕 爬高爬低為畫畫

曾與尹子維傳緋聞的貝安琪（Ankie），前晚與母親劉香萍、藝員周美欣、李思欣等出席首映活動，懷孕的Ankie表示很健康、很開心，完全沒有作嘔，更照玩瑜伽、做運動及爬高爬低繪畫，她說：「醫生都冇話唔好，我中醫、西醫都有睇，可能之後會搵陪月。」問到是否計劃明年結婚，她表示現時最緊要先誕下BB，又Sweet爆讚男友說：「佢不嬲都錫我，好識照顧人，又鍾意大自然，佢自己有個農田。」問到想生仔定女？Ankie表示冇所謂，暫時亦未知BB性別。至於會否向媽咪級的朋友取經，她說：「我已經係五個小朋友嘅契媽，有湊BB心得。」同場的周美欣指拍攝劇集《隱世者們》時文戲居多，未有機會發揮其武打天分，坦言最希望打入荷里活：「最近跟番師傅學打拳，希望可以做打女！」