田蕊妮 做喵星人過足癮

陳豪手中的貓咪，就是阿田的「真身」。

阿田笑言今次與劇集《鬼同你OT》原班人馬再度合作火花依然，但自己的角色增添不少超能力如超強跳躍力及夜視能力等，令她拍得相當過癮！她表示化身人形後與阿Mo產生莫名情愫，惹來不知情的定欣妒忌，更差點被當成「小三」，阿田說：「同阿Mo有番咁上下感情，佢未識定欣之前已經養我。寵物對主人嘅感情單向同直接，好深切！」

Madam惡得可愛

至於定欣今次終與阿Mo湊成夫妻，但扮演硬淨女警的她經常狂鬧人兼喜歡「話晒事」，她直言一度擔心角色過於強勢惹人討厭，幸得監製徐正康開解，力撐其角色惡得可愛，使她於劇中放膽「開火」，定欣說：「我本身形象好易畀人覺得好惡同好Strong，但聽監製講完角色嘅轉變，發現反而唔避忌先會做得好！」她笑稱於劇中頻頻呷阿田醋：「點解咁騎呢嘅人會同我老公咁投契？跟住我就產生醋意！」

陳豪	陳豪與阿田譜出另類「寵物情緣」。	蔣志光與定欣不乏對手戲，大放笑彈。

連讀三頁對白

至於阿Mo扮演的科學家實為一名「戇直暖男」，僅有滿口科學理論卻不擅交際，結果不但於辦公室被上司關禮傑搵笨，更不斷受到打扮性感的同事楊秀惠色誘。雖然他一心投入研究而不為所動，但都足夠令老婆定欣激到紮紮跳，阿田見狀即出手利用「喵星人」的先進科技及智慧為他排憂解困，令其事業、家庭兩得意。阿Mo搞笑表示於劇中化身另類大忙人，對於「艷福」更是無福消受：「成日要一路被楊秀惠引誘同騷擾，一路讀出連串的科學名詞，最長就試過連讀三頁紙對白！」

定欣（右）因「騎呢」阿田介入夫婦之間，令她相當苦惱。

做硬淨女警的定欣，劇中仍有變裝騷。