Sing戰學生莫文蔚怕燒鬚

歌手莫文蔚（Karen）昨日出席護膚品牌活動時表示，完成巡唱後即忙於拍攝內地歌唱真人騷《天籟之戰》，除了擔任素人參加者的導師外，還要與他們比賽，問到可擔心會輸畀學生？她笑說：「會驚(口架)！但我唔係真係在乎輸贏，最重要係想製造一個音樂嘅平台。」提到與德籍老公的結婚五周年紀念日，Karen透露兩人到地中海一個小島過二人世界：「但我嗰陣仲未完Concert，要做功課，唔係真正可以放假。」問到老公可有送禮物？Karen笑說：「今次冇呀！我哋好多紀念日，如果每個紀念日都送就會好忙，對我嚟講時間係最寶貴。」