陳庭欣Big人太甚劉溫馨輸凸
擁有「蜜桃胸」美譽的前港姐陳庭欣前晚與王浩信、李佳芯及劉溫馨等玩現身尖沙咀夜店，為新劇《踩過界》拍攝無綫節目巡禮的宣傳片。陳庭欣穿上超勁貼身裙上陣，毫不吝嗇展現Big爆上圍及小纖腰，即使輕露事業線，但已成功揮低以背心裙亮相的上位花旦兼主角李佳芯與露臍的劉溫馨，即使拍攝佳芯畀仔圍兼跳貼身舞的戲份，奈何焦點仍被搶！
王浩信扮盲大開耳界
至於劇中演盲人律師的浩信表示今次是演技大挑戰，為此更特別到失明學校上課，問到是否大開眼界？他搞Gag說：「係大開耳界就真！一直以來做戲都係靠幻想，今次就靠幻聽，因為盲人係靠聽覺。今次戲入面會遇好多法律問題，之前都要做定功課，仲有搵客串嘅朱千雪幫手，因為佢讀緊法律課程，有咩問題都可以問佢！本來想叫佢幫手做法律顧問，但佢又唔肯。」
而飾演法官的佳芯則透露為突出角色返工前後的分別，造型上將會有反差，問到會否有性感打扮？她說：「衫都未出，未知性感程度。（Keep定Fit？）唔使！反而想肥少少，有肉地好睇啲。（擔心呢啲角色令你『無綫邪花』個名又出番？）呢個角色唔係好豪放，係思想開放啫！」
文：影視組