王君馨做替工犧牲《城寨》拍檔
無綫新劇《超時空男臣》原本找來林夏薇飾演「太子妃」但突然推辭，一度被以為有喜！夏薇受訪時指因忙於視為「親生仔」的食店生意才辭演，現「未叫胡」但直認有造人打算！而角色最後落在王君馨手中，她為此角更要推辭另一新劇。
以穿梭時空為主題、由蕭正楠、曹永廉、田蕊妮主演的無綫新劇《超時空男臣》，現時拍攝得如火如荼，據知無綫原本銳意找來宜古宜今的林夏薇飾演劇中太子妃一角，但她後來卻推辭，現時找來王君馨接替其角色，日前已為新劇拍攝節目巡禮。去年下嫁金融才俊的夏薇一度被以為因造人成功而婉拒，記者昨日致電給她求證，問到是否有喜？她笑說：「哈哈唔係！因為自己公司（食店）比較忙，又要準備之後喺灣仔嘅旗艦店開張，太多工作怕身體負荷唔到！其實生小朋友都想，但要調理吓身體先，同埋都要平衡工作同家庭，養好精神再拚搏。」
至於何時正式「造人」？夏薇希望先調理身體，再作造人計劃：「一步步嚟！都唔急、仲有時間。」又坦言珍惜每一個工作與角色，日後若有適合角色定必再努力：「因為食肆集團係自己嘅心血，希望可以做好啲先。」現時夏薇仍有《乘勝狙擊》未出街。
有緣分唔諗可惜
至於「太子妃」一角現時落入在《城寨英雄》中有出色表現的王君馨手中，君馨昨日受訪時坦言知道此角原先由夏薇飾演：「原本我12月都接咗第二套劇，亦都要開《同盟》，但監製想我做呢個角色！都冇所謂，呢啲都係同一個角色嘅緣分。」說到《同盟》一劇由《城寨英雄》原班人馬拍攝，現時未能再合作會否感可惜，君馨說：「我唔會去諗可唔可惜，一個角色去到我手，只會諗點樣做好佢。」
文：影視組