JW吐苦水：我都係人嚟！

歌手JW、AGA（江海迦）與衛詩（Jill）昨日出席《全新COACH淡香水摩登．登場新體驗發布會》，受訪時，JW透露喜歡噴香水，因為能讓人記得自己及增添自信。問到男友可有讚她噴的香水香？她說：「身邊朋友都喜歡我嘅香水味，但我唔鍾意男仔噴得太濃烈。（男友喜歡濃味？）要問佢至知。」

堅強正面低調面對

談到前男友Mark在Instagram上載「美女與野獸」的圖片疑似暗寸她與富二代新歡Tarzan Ip，JW一於懶理：「唔答喇，我係好堅強嘅女仔。（超蓮話你半夜打畀佢吐苦水？）我都係人嚟，過咗去嘅嘢就過咗去，感情嘅嘢唔答喇，唔想影響到人，都係專注工作。」問到是否選擇香水的品味好過揀男人，她苦笑指好難選擇。會否因為以前的經歷，不想再談感情事？JW說：「係啦！所以拍拖都想低調。（男朋友有冇嬲？ ）都係唔多講啦。（有關心你？）總之依家我哋都係正面嘅、開心嘅。」

Tarzan、JW	AGA衣着愈見性感，未來更想騷quali。	AGA（左起）、JW及衛詩同出席香水活動。

衛詩衛蘭撈亂bra戴

同場的AGA亦愛買香水，會送給爸爸及前男友，對方用香水時會記得她。最近她出席活動衣着偏向性感，AGA說因積極做運動keep fit，談到性感底線時，只要是健康性感就沒問題！最滿意身體哪個部位？AGA說：「最想練到腹肌，下次開騷都可以騷quali。」而Jill在家中收藏了廿多支香水，與家姐Janice（衛蘭）都愛分享：「唔止香水，連bra都會0架，反正啱size。」她搞笑指要與Janice一齊肥一齊瘦。正食減肥餐單的她，靠飲齋啡、食菜及蘋果，兩日已經減了兩公斤，但她最怕見到零食：「辛苦0架，感覺到個肚唱緊歌咁，如果見到零食我一定會忍唔住！」

文：音樂組

攝：吳文聰