男友留港搞珠寶生意 張家瑩戀J先生等嫁
藝人張家瑩（Grace）昨日以代言人身份出席舞蹈學校開幕活動，穿紅色低胸晚裝的她露出三吋「事業線」晒本錢！她透露非常滿意是次代言酬勞，問到會否考慮邀請舞伴練習跳貼身拉丁舞？她自爆原來正在蜜運：「對方係圈外人，係朋友喺餐廳介紹畀我認識。（拍咗拖幾耐？）了解中，都了解咗半年，開始穩定。（對方點稱呼？）叫佢J先生。」
欣賞Honey努力創業
網友發現一張疑似J先生與Grace的合照，並指J先生從事珠寶生意，記者求證Grace，她透露男友在美國長大，現時彼此以結婚為大前提交往：「佢唔係咩富二代，我欣賞佢靠自己創業，好勤力！佢原本要返美國老家，但拍拖後願意留喺香港，不過都要周圍飛做生意，所以我哋好珍惜一齊喺香港嘅時間。」
繼續搏殺晒身材
張家瑩表示拍拖後男友才知道她是亞姐冠軍，在娛樂圈工作，大感愕然，問到會否閃婚？她指現階段仍然是事業搏殺期，笑言要待男友求婚時再作打算。至於會否減少以性感造型出席活動？她說：「佢喺外國長大，唔會介意，其實性感得嚟靚就OK！」此外，Grace透露現正物色新經理人公司，希望在主持、電影、廣告及歌唱多方面發展，同時希望將餐廳打入內地市場。
文：專案組