張智霖借出7位數追唔番

余文樂最近買下約650萬港元的辣跑，好兄弟張智霖昨晚與吳雨霏等出席時裝活動時表示，不敢問對方借來兜一轉，又自爆曾借別人車揸，結果不慎弄花，要籌旗維修。問到可有人問他借東西？他坦言曾有不同人問他借錢，金額合共7位數字：「問人追錢慘過問人借錢，所以盡量唔好借，啲人亦盡量唔好問我。（唔再追數？）算啦！（有冇再見到啲人？）佢哋都避開我啦！（圈中人？）圈中圈外都有，唉！為咗錢就冇咗個朋友，朋友唔應該講錢。有時借錢係解燃眉之急，但啲人攞去玩，變相害咗佢，令佢覺得啲錢唾手可得。」他還踢爆老婆袁詠儀亦曾被人「走數」，但女人較狠心會拒絕借錢，男人則較難開口，又笑指老婆是他最強的擋箭牌，負責掌管其財政。