陳嘉桓唔吼小鮮肉
出席《辣警霸王花》首映的還有陳嘉桓（Rose）、師弟阮頌揚及楊思琦，Rose自爆與唐紫睿拍攝一場開槍戲時險傷面：「嗰次係我第一次拍揸槍戲，導演叫我哋拍住一齊開槍掃射，點知佢掃埋嚟我塊面，差啲就畀佢射中！雖然支槍冇子彈，只係有Effect，但啲氣、後助力好勁，中到應該都會痛或者傷，好彩冇事！」
Rose稍後與阮頌揚出席長春電影節，並擔任頒獎嘉賓：「好開心有咁嘅機會，要練好啲普通話，我本身OK，師弟水平就唔知喇！今次有師弟同行都開心，好耐冇男仔喺身邊。（師弟符合擇偶要求？）小鮮肉我麻麻哋。」而阮頌揚則表示希望跟師姐偷師。