岑麗香聽男友話搵樽領泳衣
岑麗香、崔碧珈、何佩瑜與鄭欣宜等，前晚出席黃永鋒監製電影《辣警霸王花》首映禮，鮮有性感的香香大玩「中門誘惑」，穿上一襲「中門微開」的靚衫撐場，問到衣着性感是否要向男友Joshua（強強）請示？她信心十足地說：「性感自己決定！」見她「中門微開」看似有點危險，香香即強調做足安全措施：「唔驚走光，我黐晒膠紙，我都有問過男友我着咩靚，佢話鍾意我着樽領！（之前同男友去台灣玩，唔着樽領泳衣？）講呢啲！泳衣比較難搵到樽領Style，搵到我會着。（叫男友睇套戲？）會，但怕佢睇完驚咗我，因為我哋個個好好打，希望佢睇完聽話啲，哈哈哈！」
崔碧珈拋胸搶鏡
同場的何佩瑜收起「咪咪」露長腿，風頭比不上勁谷4吋「事業線」、擁36G上圍的崔碧珈，崔碧珈笑言性感有理：「今晚首映呀！香香都露腿啦！」談及她被人左右踩胸的場面備受注目，問到拍攝時有否覺很難受，她說：「掂一掂啫！唔會難堪，覺得幾好玩。」
此外，何佩瑜在Instagram興奮自爆考到車牌：「折磨了我幾年，我終於征服它了，可能個阿Sir都畀面我是霸王花。」又笑言「世界從此不安全了」。
