定欣阿田「神同步」再現 鬧爆陳豪

藝人陳豪(阿Mo)、胡定欣、田蕊妮、楊秀惠、敖嘉年等昨日在科學園出席無綫劇《來自喵喵星的妳》之「物理達人 超然登場」活動,期間阿Mo在定欣和阿田頭上用火槍燒裝水氣球,進行「唔爆波」的冷知識實驗,雖然以防萬一他可以揀其中一人着定雨褸,但他卻叫兩女猜包剪揼自行決定,令定欣與阿田「發火」再施「神同步」絕技鬧爆阿Mo:「依家叫你揀,唔係叫我哋猜!」場面搞笑,幸最後實驗成功,兩女都沒有「濕身」當場。阿田與定欣更透露今次雖然較《鬼同你OT》少對手戲,但仍然有一場「神同步」演出。

談到阿田在網上自貼騷腹肌照,問她會否與操開肌的定欣齊齊練,阿田即笑說:「佢嗰啲咁激烈!」定欣聞言即推銷員上身:「你練練吓有成績就鍾意o架喇!」

「收工」唔再生

至於與阿Mo談到為劇集主題曲開金口Rap幾句,他即笑言只錄了十幾分鐘,又指對劇集的收視有信心。對於最近經常被傳準備生第四個小朋友,與太太陳茵媺已育有兩子一女的他即表示湊三個已經很吃力,所以會「收工」,並說:「夠晒數喇!依家都好忙,24個鐘都唔夠用。」

文:影視組