諸葛收Note7 惡搞老公報復
南韓電子品牌三星（SAMSUNG）鑑於手機Note 7發生連串着火等事故，宣布停售及停產之際，名媛諸葛紫岐卻收到這款手機，送上這個「驚爆禮物」的竟是其丈夫薛嘉麟，認真大整蠱！笑言向來愛互相「靠嚇」的兩人，更曾有意充當「拆彈專家」來引爆手機！
手機Note 7自今年8月推出後，世界各地發生逾40宗因電池故障導致手機着火或爆炸的個案，前日（11日）三星宣布全球回收及停產Note 7後，同日晚上諸葛紫岐在社交網上載該手機的照片，並留言：「今天收到很『爆』的禮物，不知道如何是好。」而最爆的是，原來送上這個「驚」喜的就是其Neway太子爺丈夫薛嘉麟！
大嗌黐線兼彈開
昨日諸葛接受本報電話訪問，指丈夫原本預訂該手機打算送她作禮物，不料收機時才陸續有手機爆炸的消息，她說：「佢初時畀部機我，咁啱新聞播緊手機爆炸消息，我一見到即刻嚇親，仲話佢：『黐線(o架)！快啲攞走！』咁佢都唔係有心，所以唔使再送禮物補數。但係我哋有諗過拎部機去冇乜人嘅地方，諗住開機睇吓係咪會爆，或者拆開研究配件，不過我哋又冇防彈保護衣之類，驚有事真係會傷到自己，所以就打消呢個念頭，哈！老公自細都鍾意拆嘢或砌模型，吸塵機、打印機，連囝囝嘅玩具都會拆開研究，試過有次部電視有少少問題，佢話好小事，點知拆散晒，最後裝（嵌）唔番，哈！」另外，被老婆用手機app變為怪獸來「報復」的薛嘉麟，被問到為何送如此「驚」喜的禮物給太太，他即笑說：「哈！畀你揭穿咗！為咗家人健康，我決定放棄呢部機。」
互嚇當相處之道
諸葛笑言與老公平日都以「靠嚇」作為相處之道，自爆有一次薛嘉麟以為她在外地，她穿上黑色長袍及戴面具，將全屋燈關上，待對方回家時即跳出來：「當時佢嚇到大叫，仲下意識出拳，好彩我知佢會出拳，一早閃開咗，哈哈！」
文：專案組