阿雪C家咪拋窒唐詩詠

孫慧雪大晒驕人身段，並豪言唔使問准男友。

問雪雪何以如此搏命？她笑說：「套劇係4K拍攝，希望出嚟效果更立體，我套泳衣係私伙，之前拍寫真着過，我好環保！」Gloria表示泳衣於3年前華姐面試時穿過，幸好現在仍然啱身，講到身材不及雪雪澎湃，Gloria說：「好明顯啦！但我足夠就得，資質有限。」

至於密實詩詠不怕輸凸，表示早前已為《不》劇拍攝穿上半截泳衣的戲份：「原來我未試過拍戲着三點式，其實冇所謂，如果有需要都OK！（問准男友洪永城？）另一半要好明白，係唔係呢行都好，都要明，唔一定講着泳衣，仲有親熱戲，明就唔使講咁多！」 至於浩信面對同場半裸男藝員陳偉洪、趙樂賢和魏焌皓 ，突然High爆除剩背心晒麒麟臂，又狂做掌上壓，笑言要谷肌迎戰！

唐詩詠密實上陣，風頭被搶。	陳偉洪（左起）、趙樂賢和魏焌皓半裸晒肌。	王浩信狂做掌上壓。
林秀怡（左起）、鄧佩儀和孫慧雪各具美態。