莎蓮示威被捕轟警針對

電影《分歧者》（The Divergent）系列女主角莎蓮前日與約100名示威者，前往北達科他州一條興建中的輸油管地盤進行和平示威，抗議印第安人聖地Standing Rock Sioux與墓地會被破壞。警方聲稱在多次警告無效後開始採取拘捕行動，莎蓮與其他26人被捕，被控兩項「擅闖私人地方」罪，其後獲准保釋離開。事後，莎蓮發言人表示多謝大家支持：「唔只係為咗莎蓮，更重要係為咗繼續反對興建Dakota Access輸油管。」

被控擅闖私人地方

示威時，莎蓮於Facebook進行直播，講述被警方拘捕的經過：「我頭先行緊返我架車，就只係泊喺嗰邊，等我哋可以和平咁返去營地。不過佢哋（警方）揸住我件褸話唔可以繼續，佢哋有好大支槍、警棍同手銬，而佢哋唔放我走。」當莎蓮嘗試向警方要求解釋，但遭對方拒絕：「我哋依家唔講得，但你將會因為刑事擅闖私人地方罪名而被捕。」

莎蓮追問警方為何只針對她，對方只表示因其樣子被認出，她說：「好啦！我依家畀人拉，而我就好似其他人一樣咁擅闖私人地方。你班人一話叫我走，我就即走。我喺嗰度，其他人都喺嗰度，但得我畀人拉！唔知發生咩事！佢哋一嚟我就走啦！只不過我係名人，只不過我有4萬幾人睇緊我直播！咁大家都了解喇，我哋返去架車度時被佢哋包圍，佢哋帶住大支槍同大架警車喺度等我，就只係想拉我！」

圈中拍檔留言力撐

不少圈中人留言力撐莎蓮，《生命中的美好缺憾》（The Fault in Our Stars）拍檔安索艾高（Ansel Elgort）於Twitter轉載反對該輸油管的資料並留言：「莎蓮今日因為抗議起輸油管畀人拉咗，睇吓佢係為咗咩發聲。」並留下心碎的表情符號，另一拍檔Maggie Q則說：「你可以拉一個人，但你唔可以禁止佢發聲。」而男星麥克韋化奴（Mark Ruffalo）則力撐：「我支持莎蓮活德麗同保護Standing Rock嘅人企喺同一陣線。」

文：外娛組