張振朗着威吔褲 「戚袋袋」企唔穩
藝人張振朗（Owen）昨日在將軍澳電視廣播城，拍攝無綫新劇《踩過界》的節目巡禮片段。首次吊威吔的他懸浮半空，表現非常賣力。不過他接受訪問時坦言原本要從三樓跳入地面的七人車內，卻因畏高而縮沙。他說：「開頭喺地面望上去就覺得OK、可以試吓，但喺上面望番落嚟之後就決定交番畀武師。（《踩》係律師戲，都要吊威吔？）律師係王浩信，我係私家偵探。」
想搵陳芷尤做替身
首次吊威吔的Owen坦言非常緊張，着威吔褲「戚袋袋」而感不自在：「『小朗朗』kick kick吓咁！」他準備期間不時整理褲襠，更企唔定郁身郁勢，看來「小朗朗」如他所言非常難受。
問Owen是否不敢玩機動遊戲？他笑言有玩過山車，但不敢玩跳樓機和笨豬跳。問緋聞女友陳芷尤有否叫他挑戰自己？他笑說：「佢拍節目有玩過，佢玩就得，有咩就搵佢做我替身。」
文：影視組