祖兒遊樂園錫海豚

天后容祖兒與李克勤日前到新加坡舉行兩場巡迴演唱會，祖兒趁機到處觀光，還到了環球片場大玩特玩，瞓身跟海豚錫錫，非常盡興！祖兒說：「去到酒店後一開房門，喺大窗外睇到一條海豚高空飛過，就決定工餘同工作人員去同海豚玩，但克勤竟然話唔去，真係佢嘅損失！條海豚不知幾聰明、幾乖！咁啱我個化妝師生日，海豚仲唱咗首生日歌畀佢，好可愛！」睇完海豚，祖兒十分開心，覺得親親大自然及動物，是很好的情緒治療。

唔敢玩鬼屋

樂園還有邀請他們玩鬼屋，但祖兒因工作關係沒有去，又自爆其實不敢玩：「我哋將會去馬來西亞演出，雲頂都有鬼屋玩，但我一定唔會去，出埠咁耐除咗畀真人嚇過之外，都未畀非正常人類嚇過。」克勤解釋在港家住海洋公園附近，海豚已是他的鄰居，故他未有與祖兒同行：「我注重美白，咁曬去睇海豚，做多多美白面膜都冇用啦！不如留喺房盡情食嘢。」

親親海豚	放大圖片	李克勤大擦特擦！

被笑「肉骨茶」

今次新加坡演出觀眾反應十分熱情，期間克勤把台下跳舞的觀眾拉上台齊齊跳《舊歡如夢》。到多謝幕後工作人員環節時，祖兒說：「好多謝下面嘅朋友……」克勤即說：「嘩，時近重陽，乜你講啲咁嘅嘢，係台下面嘅朋友，唔係下面呀！佢哋下星期仲要同我哋去深圳、馬來西亞，之後仲有好多地方一齊去，啋！」令全場爆笑。克勤又形容祖兒瘦到得棚骨是「肉骨茶」，祖兒說近半年工作太忙，常做空中飛人，食極也不增磅，笑言：「如果我似肉骨茶，克勤就係貓山王榴槤，又『翹』口、拮手，不過鍾意食同識食嘅人就非常鍾意囉！」

文：音樂組