阿倫世界friend唔驚無綫小器

譚詠麟（阿倫）、劉美君、許志安、柳妍熙等近60名歌手及演員昨日出席ViuTV「2017年節目發布會」，為節目《譚校長·談欣賞》造勢的阿倫，澄清並非擔任節目主持，該節目主要圍繞着他與不同歌手合作出新碟的過程。問到節目是否與無綫打對台？他說：「冇呢樣嘢，我世界friend。（咁你流咩色血？）流住香港人嘅血囉。（驚無綫小器？）唔會，我世界friend。」
劉美君與阿倫難得敍舊，當然要傾番夠本。
劉美君與阿倫難得敍舊，當然要傾番夠本。

以黑色透視裙上陣的劉美君輕易揮低同場一眾年輕女歌手，提到她於微電影《碌卡大導》首執導演筒，她笑言為此碌盡人情卡，更出動自己寓所拍攝。問到下次會否再做？她稱：「打死都唔做，都冇錢做製作，我冇錢收都算，演員撞期，仲要冇錢收，都真係好大鑊。」至於該台亦宣布英文頻道ViuTVsix 96台於明年3月31日全面啟播。

柳妍熙一身型格打扮出席活動。
  • 柳妍熙一身型格打扮出席活動。