李曼筠再發肉Big爆鈕
女星李曼筠（Maggie）近月因為食增磅，令上圍由D Cup再度發「肉」至E Cup，返內地拍戲時險Big爆戲服，穿白恤衫時胸前效果最誇張，着旗袍更多次谷爆鈕，令她不敢亂郁，尷尬又搞笑！
擁有34D上圍的女星李曼筠（Maggie）向來以驕人身材見稱，近月她忙於在內地拍劇，日前趁有空檔返港，即相約好友狂擦美食，不經意脹了一個碼，上圍由D Cup「巨峰」升至E Cup「暴乳」，身材更有睇頭，早前她上載多張泳衣照，「Big」出六吋事業線，睇到Fans鼻血直流！Maggie笑說：「我食量不嬲好大，難得留喺香港耐啲，好掛住香港美食，唔覺意食多咗，就算有運動都冇用，冇肥到三百磅已經偷笑，依家積極收身，為年底另一套電影做準備。」
拍檔偷望忍笑
Maggie日前返內地補戲，增磅不少的她險些連戲服都着唔落，旗袍胸前的啪鈕更多次爆開，令她相當尷尬！跟她對戲的李尚正亦忍不住偷望及忍笑，Maggie笑說：「我一郁或者深呼吸，幾粒鈕就會啪啪啪咁爆開，好在鏡頭喺另一面影唔到咋！否則因為爆鈕NG就無辜喇！同埋好彩我塊面係最後先肥，所以上鏡拍大頭戲都唔太覺。」此外，Maggie又要穿上白恤衫及水手校服開工，視覺效果同樣Big爆，戴眼鏡穿白恤衫特別「胸」湧誇張，她直言不敢亂郁，惟恐再度爆鈕！
文：影視組