金剛肥到冇頸
藝人金剛昨日現身時突然發福，肚凸凸兼肥到冇頸！向來感情生活多姿多采的他，笑言刻下缺乏愛情滋潤，才落得如此下場，但有感「年紀尚輕」，故笑說：「大家唔使擔心我嘅！」
金剛昨午偕小儀及馬國明在九龍仔公園拍攝無綫新劇《降魔的》，半年前開始戒煙的金剛，站在近期暴瘦的馬國明身旁更見發福不少，面圓、肚脹兼肥到「冇頸」，昔日瀟灑身形一去不返！問到胖了多少，他起初支吾以對：「唔知喎！我懷咗Twins（雙胞胎）呀！（點都有十幾磅啩？）咁有，不過戒煙後起碼條氣順咗、健康啲，肥唔緊要，我靠樣搵食嘛！（連面都肥埋喎！）咁我走可愛路線。」
爆粒粒呻Dry
談到面上的粒粒問題嚴重，金剛抵死地說：「我好Dry呀！冇女埋身，之前畀人寫嗰個係朋友嚟，得啖笑。唔緊要啦！我仲年輕，唔使擔心我嘅！（頭髮都白埋，仲細？）我只係壓力大啫！」由於正拍攝《街坊廚神》，他認為短期內也不能成功減肥：「不過到咗依家咁，唔會再點脹喇啩！」
馬國明搵錢供樓
至於馬國明在劇中飾演有「通天眼」的的士司機，他表示現實生活中未試過有「奇遇」﹕「淨係聽同事講，以前公司喺清水灣時，有保安夜晚見到有人拍戲，咪走埋去登記囉！返到去問其他同事，先知登記嘅導演其實一早已過身。」他又澄清與洪永城不和之說，問到若日後同場會否介意？他說：「有錢就得喇，最好多啲Event（活動）添！我要供樓呀！」
文：影視組