劉佩玥將伍允龍降呢
藝人劉佩玥（Moon）及朱千雪（Tracy），昨日在觀塘拍攝由金剛及小儀擔任主持的無綫節目《街坊廚神舌戰東京》。Moon及Tracy被問到廚藝如何？Moon笑言只是節日才會下廚，但亦曾為男友整便當，問到會否請緋聞男友伍允龍試菜？她即劃清界線說：「冇喎，好嘢梗係留畀屋企人！」
好兄弟唔使闢謠
有指Moon與《律政強人》演員何廣沛傳緋聞？她作出否認，稱與對方只是好朋友及好兄弟，強調只是朋友聚餐，毋須特意闢謠。問到Moon認為伍允龍和何廣沛在當男友的角度，誰比較好？她說：「兩個都只係好朋友，既細心又會照顧人，做男友嘅，咁就要問佢哋女朋友，先知佢哋做男友好唔好！」
千雪力撐李佳芯
而Tracy就自封環保廚師：「我有天分，但冇咩人試過。我只買夠煮一次嘅材料，唔落鹽同油。」此外，有指Tracy因讀書而讓出《律政強人》女一之位，令李佳芯有機會補上，問Tracy會否感可惜？她直言不知情，又笑言全家都愛睇李佳芯的演出：「《律》劇冇搵過我，所以我唔覺得可惜。我全家都鍾意睇李佳芯，反而如果我演，我爸媽可能唔睇呢。」
文：影視組