岑杏賢未生日先收禮

藝員岑杏賢、楊卓娜、林頴彤及歐陽巧瑩等,昨日於將軍澳電視城出席「10月星辰」活動,岑杏賢透露男友袁偉豪已有表示:「我10月9日正日生日,已經約咗嗰晚食飯,袁偉豪前幾日已經送咗禮物畀我,係對耳環。(好名貴?)送禮最重要講心意。(心急結婚?)隨緣,我覺得愈計愈令大家壓力大,佢近來的確係忙咗好多,係開心事嚟。」

而楊卓娜在活動上自爆其實是11月生日:「我生日係11月10日,但細個攞證件時搞錯,屋企人都係11月慶祝。」對於有傳洪永城與馬國明在楊怡婚禮上為唐詩詠爭風呷醋,她說:「唔覺,其實男人適當時候緊張女朋友係好事。」