資深藝人邵音音接受ViuTV《晚吹—啪啪聲，太好聽》訪問，大談性話題。當年身為艷星的她，直言工作時曾遭「抽水」﹕「1976年喺英國巡唱，帶團嘅老闆欠人錢，有三個惡人嚟帶我走又逼我飲酒，最終搞到我差唔多不省人事，然後抱我上酒店、除晒我啲衫。其中一個人就問邊個上先，另一個就話唔好咁啦，好慘做唔出，佢哋最後都放過我。」
